راہیؔ تو چلتا چل

راہیؔ تو چلتا چل

راہیؔ چلتا چل

تجھ کو منزل ڈھونڈ ہی لے گی

آج نہیں تو کل

راہیؔ تو چلتا چل

ہونٹھ رسیلے مدھ کے پیاسے

سندر سندر چاند کے ہالے

نیند بھنور سے رس متوالے

یہ تیری راہیں کاٹیں گے

ان سے بچ کے نکل

راہیؔ تو چلتا چل راہیؔ چلتا چل

پیت کی کوئی ڈور بنے گا

درد بھرے ترے گیت سنے گا

کوئی ترے آنسو بھی چنے گا

روپ کے بنجاروں سے تیرا

من ہوگا بے کل

راہیؔ تو چلتا چل

راہیؔ چلتا چل

دکھ برکھا کی بدری پی لے

برہ اگن میں جل کر جی لے

جیون کا ہر گھاؤ سی لے

نینوں سے دکھ کی رچنا کا

بہنے دے کاجل

راہیؔ تو چلتا چل

راہیؔ چلتا چل