wo jo milte the kabhi humse diwanon ki tarah

vo jo milte the kabhī ham se divānoñ kī tarah

aaj yuuñ milte haiñ jaise kabhī pahchān na thī

vo jo milte the kabhī ham se divānoñ kī tarah

dekhte bhī haiñ to yuuñ merī nigāhoñ meñ kabhī

ajnabī jaise milā karte haiñ rāhoñ meñ kabhī

is qadar un kī nazar ham se to anjān na thī

vo jo milte the kabhī ham se divānoñ kī tarah

ek din thā kabhī yūñhī jo machal jaate the

khelte the mirī zulfoñ se bahal jaate the

vo pareshāñ the mirī zulf pareshān na thī

vo jo milte the kabhī ham se divānoñ kī tarah

vo mohabbat vo sharārat mujhe yaad aatī hai

dil meñ ik pyaar kā tūfān uThā jaatī hai

thī magar aisī to uljhan meñ mirī jaan na thī

vo jo milte the kabhī ham se divānoñ kī tarah

wo jo milte the kabhi hum se diwanon ki tarah

aaj yun milte hain jaise kabhi pahchan na thi

wo jo milte the kabhi hum se diwanon ki tarah

dekhte bhi hain to yun meri nigahon mein kabhi

ajnabi jaise mila karte hain rahon mein kabhi

is qadar un ki nazar hum se to anjaan na thi

wo jo milte the kabhi hum se diwanon ki tarah

ek din tha kabhi yunhi jo machal jate the

khelte the meri zulfon se bahal jate the

wo pareshan the meri zulf pareshan na thi

wo jo milte the kabhi hum se diwanon ki tarah

wo mohabbat wo shararat mujhe yaad aati hai

dil mein ek pyar ka tufan uTha jati hai

thi magar aisi to uljhan mein meri jaan na thi

wo jo milte the kabhi hum se diwanon ki tarah