kashti-e-dil nazr-e-tufan ho gai
kashtī-e-dil nazr-e-tūfāñ ho ga.ī
ek mushkil aur āsāñ ho ga.ī
sub.h-dam shabnam ko jaane kyā huā
sohbat-e-gul se gurezāñ ho ga.ī
us nazar kī sādgī to dekhiye
jo tire jalvoñ pe qurbāñ ho ga.ī
phuul ko hairat-zada sā dekh kar
har kalī gulshan meñ hairāñ ho ga.ī
mere pahlū se vo uTh kar kyā ga.e
dil kī duniyā saḳht vīrāñ ho ga.ī
dil kī paiham be-qarārī ke nisār
baḌhte baḌhte āfat-e-jāñ ho ga.ī
dekh kar merī pareshānī ko 'arsh'
zindagī ḳhud bhī pareshāñ ho ga.ī
kashti-e-dil nazr-e-tufan ho gai
ek mushkil aur aasan ho gai
subh-dam shabnam ko jaane kya hua
sohbat-e-gul se gurezan ho gai
us nazar ki sadgi to dekhiye
jo tere jalwon pe qurban ho gai
phul ko hairat-zada sa dekh kar
har kali gulshan mein hairan ho gai
mere pahlu se wo uTh kar kya gae
dil ki duniya saKHt viran ho gai
dil ki paiham be-qarari ke nisar
baDhte baDhte aafat-e-jaan ho gai
dekh kar meri pareshani ko 'arsh'
zindagi KHud bhi pareshan ho gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
