aa aur har ek lutf-o-inayat ke liye aa

aa aur har ik lutf-o-ināyat ke liye aa

tanhā.iyoñ meñ merī rifāqat ke liye aa

le kar nigah-e-nāz kā har nashtar-e-sar-tez

dil par mire ik taaza jarāhat ke liye aa

aḳhlāq ke jazbe hī se ho kar kabhī majbūr

bīmār-e-mohabbat kī ayādat ke liye aa

mahrūm hai tujh se mirī duniyā-e-haqīqat

tū mere har ik ḳhvāb kī zīnat ke liye aa

taḳh.īl ko mirī par-e-parvāz atā kar

tū mere ḳhayālāt kī vus.at ke liye aa

āñkhoñ meñ liye merī rihā.ī kī bashārat

ik umr ke zindānī-e-furqat ke liye aa

'maġhmūm’ ke qaabū meñ nahīñ phir nigah-o-dil

is kī nigah-o-dil kī tahārat ke liye aa

aa aur har ek lutf-o-inayat ke liye aa

tanhaiyon mein meri rifaqat ke liye aa

le kar nigah-e-naz ka har nashtar-e-sar-tez

dil par mere ek taza jarahat ke liye aa

aKHlaq ke jazbe hi se ho kar kabhi majbur

bimar-e-mohabbat ki ayaadat ke liye aa

mahrum hai tujh se meri duniya-e-haqiqat

tu mere har ek KHwab ki zinat ke liye aa

taKHil ko meri par-e-parwaz ata kar

tu mere KHayalat ki wusat ke liye aa

aankhon mein liye meri rihai ki bashaarat

ek umr ke zindani-e-furqat ke liye aa

'maghmum’ ke qabu mein nahin phir nigah-o-dil

is ki nigah-o-dil ki tahaarat ke liye aa