aa gae ho to raho sath sahar hone tak

aa ga.e ho to raho saath sahar hone tak

ham bhī shāyad haiñ yahī raat basar hone tak

nāma-bar sust-qadam us pe ye rāh-e-dushvār

zinda rahnā hai hameñ un ko ḳhabar hone tak

dam nahīñ leñge kisī taur ye khāte haiñ qasam

zulm kī āhanī dīvār meñ dar hone tak

āsmānoñ se laḌī dil se nikal kar ik aah

ek pal chain se baiThī na asar hone tak

aql ḳhāmosh tamāshā.ī kī tasvīr banī

ishq Takrāyā hai maidān ke sar hone tak

ḳhvāb-e-ġhaflat se na bedār hue ham jo abhī

zulm baḌhtā hī rahegā ye sahar hone tak

us ke kun kahne se taḳhlīq hue kaun-o-makāñ

der kyā lagtī hai miTTī ko bashar hone tak

lauT aane ko kahā us ne to āñkheñ 'at.har'

ham ne raste pe rakhīñ us kā guzar hone tak

aa gae ho to raho sath sahar hone tak

hum bhi shayad hain yahi raat basar hone tak

nama-bar sust-qadam us pe ye rah-e-dushwar

zinda rahna hai hamein un ko KHabar hone tak

dam nahin lenge kisi taur ye khate hain qasam

zulm ki aahani diwar mein dar hone tak

aasmanon se laDi dil se nikal kar ek aah

ek pal chain se baiThi na asar hone tak

aql KHamosh tamashai ki taswir bani

ishq Takraya hai maidan ke sar hone tak

KHwab-e-ghaflat se na bedar hue hum jo abhi

zulm baDhta hi rahega ye sahar hone tak

us ke kun kahne se taKHliq hue kaun-o-makan

der kya lagti hai miTTi ko bashar hone tak

lauT aane ko kaha us ne to aankhen 'athar'

hum ne raste pe rakhin us ka guzar hone tak