aa gaya ho na koi bhes badal kar dekho
aa gayā ho na koī bhes badal kar dekho
do qadam saa.e ke hamrāh bhī chal kar dekho
mehmāñ raushniyo saḳht añdherā hai yahāñ
paañv rakhnā mirī chaukhaT pe sambhal kar dekho
kabhī aisā na ho pahchān na paao ḳhud ko
baar baar apne irāde na badal kar dekho
abr aa.egā tabhī pyaas bujhāne pahle
reg-e-sahrā kī tarah dhuup meñ jal kar dekho
din kī dekhī huī har shakl badal jā.egī
raat ke saath zarā ghar se nikal kar dekho
mom ho jā.egā patthar sā ye dil siine meñ
lamha bhar ko kisī pahlū meñ pighal kar dekho
umr-e-rafta ko kahāñ DhūñDh rahe ho 'maḳhmūr'
us ke kūche meñ milegī vahīñ chal kar dekho
aa gaya ho na koi bhes badal kar dekho
do qadam sae ke hamrah bhi chal kar dekho
mehman raushniyo saKHt andhera hai yahan
panw rakhna meri chaukhaT pe sambhal kar dekho
kabhi aisa na ho pahchan na pao KHud ko
bar bar apne irade na badal kar dekho
abr aaega tabhi pyas bujhane pahle
reg-e-sahra ki tarah dhup mein jal kar dekho
din ki dekhi hui har shakl badal jaegi
raat ke sath zara ghar se nikal kar dekho
mom ho jaega patthar sa ye dil sine mein
lamha bhar ko kisi pahlu mein pighal kar dekho
umr-e-rafta ko kahan DhunDh rahe ho 'maKHmur'
us ke kuche mein milegi wahin chal kar dekho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
