aa kar uruj kaise gira hai zawal par

aa kar uruuj kaise girā hai zavāl par

hairān ho rahā huuñ sitāroñ kī chaal par

ik ashk bhī Dhalak ke dikhā.e ab aañkh se

maiñ sabr kar chukā huuñ tumhāre ḳhayāl par

aa aa ke us meñ machhliyāñ hotī rahīñ farār

hañstī hai jal-parī bhī machheroñ ke jaal par

māyūs ho ke dekhnā kyā āsmān ko

uḌne kā shauq hai to mirī jaañ nikāl par

maiñ tañg aa chukā huuñ ki samjhā.ūñ kis tarah

ik roz chhoḌ dūñgā tujhe tere haal par

kuchh yaad hai ki maiñ ne banā.e the tere naqsh

phir itnā naaz kyuuñ hai tujhe ḳhadd-o-ḳhāl par

misl-e-gulāb aap jo mahke haiñ baaġh meñ

bosa vasūl kījiye titlī kā gaal par

tafrīq kis tarah se karoge yahāñ pe 'zeb'

insāñ likhā huā hai darindoñ kī khaal par

aa kar uruj kaise gira hai zawal par

hairan ho raha hun sitaron ki chaal par

ek ashk bhi Dhalak ke dikhae ab aankh se

main sabr kar chuka hun tumhaare KHayal par

aa aa ke us mein machhliyan hoti rahin farar

hansti hai jal-pari bhi machheron ke jal par

mayus ho ke dekhna kya aasman ko

uDne ka shauq hai to meri jaan nikal par

main tang aa chuka hun ki samjhaun kis tarah

ek roz chhoD dunga tujhe tere haal par

kuchh yaad hai ki main ne banae the tere naqsh

phir itna naz kyun hai tujhe KHadd-o-KHal par

misl-e-gulab aap jo mahke hain bagh mein

bosa wasul kijiye titli ka gal par

tafriq kis tarah se karoge yahan pe 'zeb'

insan likha hua hai darindon ki khaal par