aa ke sahil ke qarin jata hun sahil se pare

aa ke sāhil ke qarīñ jaatā huuñ sāhil se pare

aa ke manzil par chalā jaatā huuñ manzil se pare

apnī manzil par pahuñch kar sochne lagtā huuñ maiñ

uf re vo manzar suhānā hai jo manzil se pare

dekh vo lahroñ kā manzar dekh vo tūfāñ kā khel

dekh ai sāhil-nashīñ kyā shai hai sāhil se pare

rāt-din detī hī rahtī hai tire javoñ kā lutf

vo jo ik tasvīr rakkhī hai kahīñ dil se pare

dekh ai shauq-e-nazar nazzāra-hā-e-dil-fareb

parda-hā-e-jur.at-āmoz us ke mahmil se pare

aa ke sahil ke qarin jata hun sahil se pare

aa ke manzil par chala jata hun manzil se pare

apni manzil par pahunch kar sochne lagta hun main

uf re wo manzar suhana hai jo manzil se pare

dekh wo lahron ka manzar dekh wo tufan ka khel

dekh ai sahil-nashin kya shai hai sahil se pare

raat-din deti hi rahti hai tere jawon ka lutf

wo jo ek taswir rakkhi hai kahin dil se pare

dekh ai shauq-e-nazar nazzara-ha-e-dil-fareb

parda-ha-e-jurat-amoz us ke mahmil se pare