aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aa nikal ke maidan mein do-ruKHi ke KHane se

Majrooh Sultanpuri

aa nikal ke maidan mein do-ruKHi ke KHane se

Majrooh Sultanpuri

MORE BYMajrooh Sultanpuri

    aa nikal ke maidāñ meñ do-ruḳhī ke ḳhāne se

    kaam chal nahīñ saktā ab kisī bahāne se

    ahd-e-inqalāb aayā daur-e-āftāb aayā

    muntazir thiiñ ye āñkheñ jis ik zamāne se

    ab zamīn gā.egī hal ke saaz par naġhme

    vādiyoñ meñ nācheñge har taraf tarāne se

    ahl-e-dil ugā.eñge ḳhaak se mah o anjum

    ab guhar subuk hogā jau ke ek daane se

    manchale buneñge ab rañg-o-bū ke pairāhan

    ab sañvar ke niklegā husn kār-ḳhāne se

    aam hogā ab hamdam sab pe faiz fitrat

    bhar sakeñge ab dāman ham bhī is ḳhazāne se

    maiñ ki ek mehnat-kash maiñ ki tīrgī-dushman

    sub.h-e-nau ibārat hai mere muskurāne se

    ḳhud-kushī raas aa.ī dekh bad-nasīboñ ko!

    ḳhud se bhī gurezāñ haiñ bhaag kar zamāne se

    ab junūñ pe vo saa.at aa paḌī ki ai 'majrūh'

    aaj zaḳhm-e-sar behtar dil pe choT khāne se

    aa nikal ke maidan mein do-ruKHi ke KHane se

    kaam chal nahin sakta ab kisi bahane se

    ahd-e-inqalab aaya daur-e-aftab aaya

    muntazir thin ye aankhen jis ki ek zamane se

    ab zamin gaegi hal ke saz par naghme

    wadiyon mein nachenge har taraf tarane se

    ahl-e-dil ugaenge KHak se mah o anjum

    ab guhar subuk hoga jau ke ek dane se

    manchale bunenge ab rang-o-bu ke pairahan

    ab sanwar ke niklega husn kar-KHane se

    aam hoga ab hamdam sab pe faiz fitrat ka

    bhar sakenge ab daman hum bhi is KHazane se

    main ki ek mehnat-kash main ki tirgi-dushman

    subh-e-nau ibarat hai mere muskurane se

    KHud-kushi hi ras aai dekh bad-nasibon ko!

    KHud se bhi gurezan hain bhag kar zamane se

    ab junun pe wo saat aa paDi ki ai 'majruh'

    aaj zaKHm-e-sar behtar dil pe choT khane se

    RECITATIONS

    Majrooh Sultanpuri

    Majrooh Sultanpuri,

    Majrooh Sultanpuri

    Majrooh Sultanpuri,

    Majrooh Sultanpuri

    aa nikal ke maidan mein do-ruKHi ke KHane se Majrooh Sultanpuri

    Majrooh Sultanpuri

    aa nikal ke maidan mein do-ruKHi ke KHane se Majrooh Sultanpuri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now