aa rahe hain raste par aa rahe hain

aa rahe haiñ rāste par aa rahe haiñ

vo jinheñ barsoñ se ham samjhā rahe haiñ

haiñ bahut uljhe hue ulfat ke raste

rafta rafta ham inheñ suljhā rahe haiñ

vo hamīñ par pheñkne lagte haiñ patthar

aa.ina jin ko bhī ham dikhlā rahe haiñ

kuchh purānī hasratoñ kī laash hai ye

ham jise kāñdhe pe le kar jā rahe haiñ

le rahī hai zindagī karvaT pe karvaT

thapkiyāñ de kar ise bahlā rahe haiñ

āb-e-ulfat se koī sairāb kar de

ḳhvāb āñkhoñ ke mire murjhā rahe haiñ

'yāsmīñ' be-sāḳhta un se ye kah do

aap hī bas mere dil ko bhā rahe haiñ

aa rahe hain raste par aa rahe hain

wo jinhen barson se hum samjha rahe hain

hain bahut uljhe hue ulfat ke raste

rafta rafta hum inhen suljha rahe hain

wo hamin par phenkne lagte hain patthar

aaina jin ko bhi hum dikhla rahe hain

kuchh purani hasraton ki lash hai ye

hum jise kandhe pe le kar ja rahe hain

le rahi hai zindagi karwaT pe karwaT

thapkiyan de kar ise bahla rahe hain

aab-e-ulfat se koi sairab kar de

KHwab aankhon ke mere murjha rahe hain

'yasmin' be-saKHta un se ye kah do

aap hi bas mere dil ko bha rahe hain