aa rahe ho ki ja rahe ho tum

aa rahe ho ki jā rahe ho tum

aañkh kī kor pe ruke ho tum

ab to nārāz bhī nahīñ haiñ ham

itnā māyūs kar chuke ho tum

mujh ko kyā haq hai kuchh kahūñ tum se

bas mirī zaat se pare ho tum

kitne bechain haiñ gul o titlī

ishq ke baaġh phir hare ho tum

lutf aane lagā hai ġham meñ hameñ

dekh lo kyā sikhā ga.e ho tum

jism aur ruuh meñ jo hotā hai

vo hī sanjīda fāsle ho tum

ik kahūñ gar burā na maano to

apnā nuqsān kar rahe ho tum

ḳhud kī āvāz mujh pe zaa.e.a hai

kyā bahut paas aa ga.e ho tum

soch kar bas ye baat jaane diyā

kis ke roke kabhī ruke ho tum

tum ko barbād kar raheñ hai ham

ham ko barbād kar rahe ho tum

aa rahe ho ki ja rahe ho tum

aankh ki kor pe ruke ho tum

ab to naraaz bhi nahin hain hum

itna mayus kar chuke ho tum

mujh ko kya haq hai kuchh kahun tum se

bas meri zat se pare ho tum

kitne bechain hain gul o titli

ishq ke bagh phir hare ho tum

lutf aane laga hai gham mein hamein

dekh lo kya sikha gae ho tum

jism aur ruh mein jo hota hai

wo hi sanjida fasle ho tum

ek kahun gar bura na mano to

apna nuqsan kar rahe ho tum

KHud ki aawaz mujh pe zaea hai

kya bahut pas aa gae ho tum

soch kar bas ye baat jaane diya

kis ke roke kabhi ruke ho tum

tum ko barbaad kar rahen hai hum

hum ko barbaad kar rahe ho tum