aab-o-hawa to aa na saki iKHtiyar mein

āb-o-havā to aa na sakī iḳhtiyār meñ

kāġhaz ke phuul ham ne sajā.e bahār meñ

gahrā.iyoñ se dil kī ubhartā hai harf harf

tafsīl kam nahīñ hai mire iḳhtisār meñ

ehsās kyā dilā.eñ ham apne vajūd kā

ham se na-jāne kitne lage haiñ qatār meñ

ham kar rahe haiñ talḳh haqīqat kā sāmnā

ye jānte hue ki sukūñ hai farār meñ

ye aur baat hai ki ye sadma bhī sah ga.e

varna to dukh balā kā huā apnī haar meñ

aab-o-hawa to aa na saki iKHtiyar mein

kaghaz ke phul hum ne sajae bahaar mein

gahraiyon se dil ki ubharta hai harf harf

tafsil kam nahin hai mere iKHtisar mein

ehsas kya dilaen hum apne wajud ka

hum se na-jaane kitne lage hain qatar mein

hum kar rahe hain talKH haqiqat ka samna

ye jaante hue ki sukun hai farar mein

ye aur baat hai ki ye sadma bhi sah gae

warna to dukh bala ka hua apni haar mein