aable sukh chuke phir bhi kasak baqi hai

aable suukh chuke phir bhī kasak baaqī hai

dil ke har zaḳhm meñ yādoñ kī mahak baaqī hai

chhoḌ duuñ kaise bhalā apne buzurgoñ kā chalan

merī rag rag meñ abhī un kā namak baaqī hai

jin ke saa.e meñ bahal jaatā thā bachpan aksar

mere ehsās meñ ab tak vo dhanak baaqī hai

tum ko aanā hai to aa jaao ba-sad-shauq yahāñ

ab bhī hālāt meñ halkī sī lachak baaqī hai

band hotī nahīñ palkeñ mirī sadiyāñ guzrīñ

ḳhvāb to TuuT chuke sirf chamak baaqī hai

dil kī dhaḌkan mirī āvāz-e-anā hai 'zarrīñ'

mere har lafz meñ lahje kī khanak baaqī hai

aable sukh chuke phir bhi kasak baqi hai

dil ke har zaKHm mein yaadon ki mahak baqi hai

chhoD dun kaise bhala apne buzurgon ka chalan

meri rag rag mein abhi un ka namak baqi hai

jin ke sae mein bahal jata tha bachpan aksar

mere ehsas mein ab tak wo dhanak baqi hai

tum ko aana hai to aa jao ba-sad-shauq yahan

ab bhi haalat mein halki si lachak baqi hai

band hoti nahin palken meri sadiyan guzrin

KHwab to TuT chuke sirf chamak baqi hai

dil ki dhaDkan meri aawaz-e-ana hai 'zarrin'

mere har lafz mein lahje ki khanak baqi hai