aadab zindagi se bahut dur ho gaya

ādāb zindagī se bahut duur ho gayā

shohrat zarā milī to vo maġhrūr ho gayā

ab raqs-e-ḳhāk-o-ḳhūñ pe koī boltā nahīñ

jaise ye mere mulk kā dastūr ho gayā

dushman se sarhadoñ ko bachānā thā jis kā kaam

apnoñ ko qatl karne pe māmūr ho gayā

gumnām thā libās-e-sharāfat kī vaj.h se

dastār-e-makr bāñdhī to mash.hūr ho gayā

sūraj bhī e'timād ke qābil nahīñ rahā

aayā jo vaqt-e-shām to be-nūr ho gayā

naala jo bah rahā thā mire gaañv meñ 'shahūd'

dariyā se mil gayā hai to maġhrūr ho gayā

aadab zindagi se bahut dur ho gaya

shohrat zara mili to wo maghrur ho gaya

ab raqs-e-KHak-o-KHun pe koi bolta nahin

jaise ye mere mulk ka dastur ho gaya

dushman se sarhadon ko bachana tha jis ka kaam

apnon ko qatl karne pe mamur ho gaya

gumnam tha libas-e-sharafat ki wajh se

dastar-e-makr bandhi to mashhur ho gaya

suraj bhi e'timad ke qabil nahin raha

aaya jo waqt-e-sham to be-nur ho gaya

nala jo bah raha tha mere ganw mein 'shahud'

dariya se mil gaya hai to maghrur ho gaya