aadam hai na hawwa hai zaman hai na zamin hai

aadam hai na havvā hai zamāñ hai na zamīñ hai

vo kaun hai jo kun meñ magar parda-nashīñ hai

maanā ki nahīñ huuñ tire altāf ke qābil

tū phir bhī mire haal se ġhāfil to nahīñ hai

banda huuñ tirā ġhaib pe īmān hai merā

auroñ ko na ho mujh ko magar terā yaqīñ hai

shāhoñ ke bhī tājoñ ko lagā detā hai Thokar

ye banda-e-nā-chīz jo ik ḳhāk-nashīñ hai

thā hind kī jānib mire aaqā kā ishāra

ḳhushbu-e-mohabbat to hamesha se yahīñ hai

maanā ki mirā luT gayā sarmāya ḳhushī kā

ik dard kī daulat to abhī mere qarīñ hai

ahbāb ke bartāv ko meñ kaise bhulā.ūñ

be-kār tasallī ga.ī dil phir bhī hazīñ hai

āsān nahīñ rāh-e-vafā dekh ke 'jāmī'

taklīf kahīñ bhuuk kahīñ pyaas kahīñ hai

aadam hai na hawwa hai zaman hai na zamin hai

wo kaun hai jo kun mein magar parda-nashin hai

mana ki nahin hun tere altaf ke qabil

tu phir bhi mere haal se ghafil to nahin hai

banda hun tera ghaib pe iman hai mera

auron ko na ho mujh ko magar tera yaqin hai

shahon ke bhi tajon ko laga deta hai Thokar

ye banda-e-na-chiz jo ek KHak-nashin hai

tha hind ki jaanib mere aaqa ka ishaara

KHushbu-e-mohabbat to hamesha se yahin hai

mana ki mera luT gaya sarmaya KHushi ka

ek dard ki daulat to abhi mere qarin hai

ahbab ke bartaw ko mein kaise bhulaun

be-kar tasalli gai dil phir bhi hazin hai

aasan nahin rah-e-wafa dekh ke 'jami'

taklif kahin bhuk kahin pyas kahin hai