aadam mein shaitani fitrat kab tak aaKHir aaKHir kab tak

aadam meñ shaitānī fitrat kab tak āḳhir āḳhir kab tak

insāñ ko insāñ se nafrat kab tak āḳhir āḳhir kab tak

muddat is kī kitnī muddat kab tak āḳhir āḳhir kab tak

aisā jiinā aisī sūrat kab tak āḳhir āḳhir kab tak

ret kī dīvāroñ ke saa.e meñ bhī aa kar ham kyā karte

aisā naam aur aisī shohrat kab tak āḳhir āḳhir kab tak

is duniyā kī rangīnī meñ aane kā maqsad kho baiThe

insāñ ko jiine kī mohlat kab tak āḳhir āḳhir kab tak

ham nā-samjhoñ ko samjhāo kyā kahte ho kyā likhte ho

jitnā mub.ham utnī jiddat kab tak āḳhir āḳhir kab tak

jitnī tāqat is meñ hai vo tūfānoñ se kyā kam hogī

'ahsan' ye jazbāt kī shiddat kab tak āḳhir āḳhir kab tak

aadam mein shaitani fitrat kab tak aaKHir aaKHir kab tak

insan ko insan se nafrat kab tak aaKHir aaKHir kab tak

muddat is ki kitni muddat kab tak aaKHir aaKHir kab tak

aisa jina aisi surat kab tak aaKHir aaKHir kab tak

ret ki diwaron ke sae mein bhi aa kar hum kya karte

aisa nam aur aisi shohrat kab tak aaKHir aaKHir kab tak

is duniya ki rangini mein aane ka maqsad kho baiThe

insan ko jine ki mohlat kab tak aaKHir aaKHir kab tak

hum na-samjhon ko samjhao kya kahte ho kya likhte ho

jitna mubham utni jiddat kab tak aaKHir aaKHir kab tak

jitni taqat is mein hai wo tufanon se kya kam hogi

'ahsan' ye jazbaat ki shiddat kab tak aaKHir aaKHir kab tak