aadat meri duniya se chhupane ki nahin thi

aadat mirī duniyā se chhupāne kī nahīñ thī

vo baat bhī kah dī jo batāne kī nahīñ thī

maiñ ḳhush huuñ bahut gard ko ā.īne pe rakh kar

dī vo mujhe sūrat jo dikhāne kī nahīñ thī

ham khā ga.e dhokā tirī āñkhoñ kī namī se

vo choT dikhā dī jo dikhāne kī nahīñ thī

achchhā huā niiñd aa ga.ī arbāb-e-vafā ko

aage ye kahānī bhī sunāne kī nahīñ thī

yuuñ dil ko kiyā sho.ala-e-ġham tere havāle

is ghar meñ koī chiiz bachāne kī nahīñ thī

kuchh is liye apnā na sakā is ko zamāna

'saulat' kī jo aadat thī zamāne kī nahīñ thī

aadat meri duniya se chhupane ki nahin thi

wo baat bhi kah di jo batane ki nahin thi

main KHush hun bahut gard ko aaine pe rakh kar

di wo mujhe surat jo dikhane ki nahin thi

hum kha gae dhoka teri aankhon ki nami se

wo choT dikha di jo dikhane ki nahin thi

achchha hua nind aa gai arbab-e-wafa ko

aage ye kahani bhi sunane ki nahin thi

yun dil ko kiya shoala-e-gham tere hawale

is ghar mein koi chiz bachane ki nahin thi

kuchh is liye apna na saka is ko zamana

'saulat' ki jo aadat thi zamane ki nahin thi