aadmi ko zauq-e-soz-e-dard-e-insan chahiye

aadmī ko zauq-e-soz-e-dard-e-insāñ chāhiye

dard hī jis kī davā ho aisā armāñ chāhiye

ik na.e insān kā insāñ hai ab tak muntazir

jo sarāpā-dard-e-insāñ ho vo insāñ chāhiye

ai hakīm-e-nā-shanās-e-zauq-e-dard-e-dard-mand

dard-mandoñ ke liye mujh ko hī darmāñ chāhiye

dostoñ kā qatl aulā hai ba-jā.e dushmanāñ

dushmanoñ par bhī to kuchh andāz-e-ehsāñ chāhiye

bahr-e-ġham-ḳhvārī-e-insāñ umr shahroñ meñ kaTī

vus.at-e-ġham ko agarche thā bayābāñ chāhiye

dūsre kā aish bhī vaj.h-e-masarrat hai agar

muttasil apne gulistāñ ke gulistāñ chāhiye

gar hunar-mandī kā da.avā mushkilāt-e-fan se hai

mere azm-e-shauq ko ḳhār-e-muġhīlāñ chāhiye

jis ke zauq-e-zindagī se zindagī sab ko mile

mere zauq-e-sher ko aisā ġhazal-ḳhvāñ chāhiye

ek 'anvar' hī shahīd-e-dard-e-insāñ hai to kyā

nau-e-insāñ hī sharīk-e-dard-e-insāñ chāhiye

aadmi ko zauq-e-soz-e-dard-e-insan chahiye

dard hi jis ki dawa ho aisa arman chahiye

ek nae insan ka insan hai ab tak muntazir

jo sarapa-dard-e-insan ho wo insan chahiye

ai hakim-e-na-shanas-e-zauq-e-dard-e-dard-mand

dard-mandon ke liye mujh ko hi darman chahiye

doston ka qatl aula hai ba-jae dushmanan

dushmanon par bhi to kuchh andaz-e-ehsan chahiye

bahr-e-gham-KHwari-e-insan umr shahron mein kaTi

wusat-e-gham ko agarche tha bayaban chahiye

dusre ka aish bhi wajh-e-masarrat hai agar

muttasil apne gulistan ke gulistan chahiye

gar hunar-mandi ka dawa mushkilat-e-fan se hai

mere azm-e-shauq ko KHar-e-mughilan chahiye

jis ke zauq-e-zindagi se zindagi sab ko mile

mere zauq-e-sher ko aisa ghazal-KHwan chahiye

ek 'anwar' hi shahid-e-dard-e-insan hai to kya

nau-e-insan hi sharik-e-dard-e-insan chahiye