aadmi na itna bhi dur ho zamane se
aadmī na itnā bhī duur ho zamāne se
sub.h ko judā samjhe shaam ke fasāne se
dekh tiflak-e-nādāñ qadr kar buzurgoñ kī
gutthiyāñ na suljheñgī maz.haka uḌāne se
zaḳhm-e-sar ke dīvāne zaḳhm-e-dil kā qaa.il ho
zindagī sañvartī hai dil pe choT khāne se
mutrib-e-junūñ-sāmāñ tū na chheḌ ye naġhma
dhun ḳharāb hotī hai tere gungunāne se
garmī-e-suḳhan se kuchh kaam ban nahīñ saktā
mil hī jā.egī manzil do-qadam baḌhāne se
aadmi na itna bhi dur ho zamane se
subh ko juda samjhe sham ke fasane se
dekh tiflak-e-nadan qadr kar buzurgon ki
gutthiyan na suljhengi mazhaka uDane se
zaKHm-e-sar ke diwane zaKHm-e-dil ka qail ho
zindagi sanwarti hai dil pe choT khane se
mutrib-e-junun-saman tu na chheD ye naghma
dhun KHarab hoti hai tere gungunane se
garmi-e-suKHan se kuchh kaam ban nahin sakta
mil hi jaegi manzil do-qadam baDhane se
- Book : Kulliyat-e-Shakiil Badaayuuni (Pg. 580)
- Author : Shakiil Badaayuuni
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
