aadmi tha kya wahi ek kaam ka

aadmī thā kyā vahī ik kaam kā

arz par jis kā koī maskan na thā

jo kisī ne pairahan mujh ko diyā

vo mire hī tan kā hissa ban gayā

ham the juḌvāñ is liye tan ek thā

ek surgeon ne alag ham ko kiyā

jal meñ jab tak maiñ rahā zinda rahā

taT pe sāgar ke maiñ aa kar mar gayā

jab kabhī maiñ sochne kuchh lag paḌā

duur tak phir silsila chaltā rahā

maiñ zamīñ par ik tarah kā bojh thā

vo to maañ thī us ko ye sahnā paḌā

vajd meñ aatā kabhī to peḌ kī

Tahniyoñ par chaḌh ke aksar jhūltā

thā maiñ sālik ik anokhā dahr meñ

jo bhī maslak mil gayā maiñ chal paḌā

ālam-e-jabrūt kā sākin thā maiñ

ālam-e-siflī meñ kaise aa gayā

hādse ko roknā thā is liye

rāste par ho gayā jā kar khaḌā

band karte the kabhī the kholte

ruup darvāze kā mujh ko kyā milā

leT jaatā piiTh ke bal farsh par

dekh letā jab bhī aate meñ qazā

jo samāvī the qamar par jā base

maiñ thā ḳhākī dahr meñ hī rah gayā

mujh ko denā thā 'figār' un kā javāb

chiTThiyoñ kā sāmne ambār thā

aadmi tha kya wahi ek kaam ka

arz par jis ka koi maskan na tha

jo kisi ne pairahan mujh ko diya

wo mere hi tan ka hissa ban gaya

hum the juDwan is liye tan ek tha

ek surgeon ne alag hum ko kiya

jal mein jab tak main raha zinda raha

taT pe sagar ke main aa kar mar gaya

jab kabhi main sochne kuchh lag paDa

dur tak phir silsila chalta raha

main zamin par ek tarah ka bojh tha

wo to man thi us ko ye sahna paDa

wajd mein aata kabhi to peD ki

Tahniyon par chaDh ke aksar jhulta

tha main salik ek anokha dahr mein

jo bhi maslak mil gaya main chal paDa

aalam-e-jabrut ka sakin tha main

aalam-e-sifli mein kaise aa gaya

hadse ko rokna tha is liye

raste par ho gaya ja kar khaDa

band karte the kabhi the kholte

rup darwaze ka mujh ko kya mila

leT jata piTh ke bal farsh par

dekh leta jab bhi aate mein qaza

jo samawi the qamar par ja base

main tha KHaki dahr mein hi rah gaya

mujh ko dena tha 'figar' un ka jawab

chiTThiyon ka samne ambar tha