aadmi-zad ho fitrat ke mutabiq mango

ādmī-zād ho fitrat ke mutābiq māñgo

jaao dil khol ke shahvat ke mutābiq māñgo

is meñ kis baat kā Darnā ki koī dekhegā

apnī auqāt-o-zarūrat ke mutābiq māñgo

is bakheḌe meñ mayassar ke mutābiq paḌnā

ishq hālāt se fursat ke mutābiq māñgo

haañ ye lāzim hai ki raa.ij kā bharam rakkho tum

rab se apnoñ kī sharī.at ke mutābiq māñgo

itnā māñgo jo tarīqe se uThā sakte ho

yaar dāman kī suhūlat ke mutābiq māñgo

baat suntā hai savālī kā bharam rakhtā hai

khul ke darvesh kī shohrat ke mutābiq māñgo

aadmi-zad ho fitrat ke mutabiq mango

jao dil khol ke shahwat ke mutabiq mango

is mein kis baat ka Darna ki koi dekhega

apni auqat-o-zarurat ke mutabiq mango

is bakheDe mein mayassar ke mutabiq paDna

ishq haalat se fursat ke mutabiq mango

han ye lazim hai ki raij ka bharam rakkho tum

rab se apnon ki shariat ke mutabiq mango

itna mango jo tariqe se uTha sakte ho

yar daman ki suhulat ke mutabiq mango

baat sunta hai sawali ka bharam rakhta hai

khul ke darwesh ki shohrat ke mutabiq mango