aae kuchh sabr kuchh qarar aae

aa.e kuchh sabr kuchh qarār aa.e

is tarah bhī kabhī bahār aa.e

jumbish-e-lab vahī hai tū bhī vahī

phir mujhe kyoñ na e.atibār aa.e

yā chaman ko chaman na kahne de

yā vahī bū-e-mushk-bār aa.e

sham-e-mahfil ko ye ḳhabar na huī

kis qadar us ke jāñ-nisār aa.e

maiñ pareshāñ sahī udaas sahī

tere chehre pe kyoñ ġhubār aa.e

jab kisī kā bhī intizār nahīñ

phir ḳhizāñ aa.e yā bahār aa.e

jab huā chaak chaak pairāhan

kaam dāman ke taar taar aa.e

aarzū hasrateñ tamannā.eñ

zindagī qaid meñ guzār aa.e

aaj kyā kah diyā kisī ne 'shamīm'

ashk āñkhoñ meñ baar baar aa.e

aae kuchh sabr kuchh qarar aae

is tarah bhi kabhi bahaar aae

jumbish-e-lab wahi hai tu bhi wahi

phir mujhe kyon na eatibar aae

ya chaman ko chaman na kahne de

ya wahi bu-e-mushk-bar aae

sham-e-mahfil ko ye KHabar na hui

kis qadar us ke jaan-nisar aae

main pareshan sahi udas sahi

tere chehre pe kyon ghubar aae

jab kisi ka bhi intizar nahin

phir KHizan aae ya bahaar aae

jab hua chaak chaak pairahan

kaam daman ke tar tar aae

aarzu hasraten tamannaen

zindagi qaid mein guzar aae

aaj kya kah diya kisi ne 'shamim'

ashk aankhon mein bar bar aae