آئے کچھ صبر کچھ قرار آئے
آئے کچھ صبر کچھ قرار آئے
اس طرح بھی کبھی بہار آئے
جنبش لب وہی ہے تو بھی وہی
پھر مجھے کیوں نہ اعتبار آئے
یا چمن کو چمن نہ کہنے دے
یا وہی بوئے مشک بار آئے
شمع محفل کو یہ خبر نہ ہوئی
کس قدر اس کے جاں نثار آئے
میں پریشاں سہی اداس سہی
تیرے چہرے پہ کیوں غبار آئے
جب کسی کا بھی انتظار نہیں
پھر خزاں آئے یا بہار آئے
جب ہوا چاک چاک پیراہن
کام دامن کے تار تار آئے
آرزو حسرتیں تمنائیں
زندگی قید میں گزار آئے
آج کیا کہہ دیا کسی نے شمیمؔ
اشک آنکھوں میں بار بار آئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
