aae kya aap ki panah mein hum

aa.e kyā aap kī panāh meñ ham

ghar meñ mahfūz haiñ na raah meñ ham

haañ vahī tumtarāq kā rishta

dekhte haiñ sar-o-kulāh meñ ham

aur bhī morid-e-savāb hue

mubtalā jab se haiñ gunāh meñ ham

mudda.ī the hazār ḳhūbī ke

par na aa.e kisī nigāh meñ ham

ilm se madrase meñ 'shaukat' duur

aur irfāñ se ḳhānqāh meñ ham

aae kya aap ki panah mein hum

ghar mein mahfuz hain na rah mein hum

han wahi tumtaraq ka rishta

dekhte hain sar-o-kulah mein hum

aur bhi morid-e-sawab hue

mubtala jab se hain gunah mein hum

muddai the hazar KHubi ke

par na aae kisi nigah mein hum

ilm se madrase mein 'shaukat' dur

aur irfan se KHanqah mein hum