aae the pardes mein do chaar barson ke liye

aa.e the pardes meñ do chaar barsoñ ke liye

ro rahe haiñ baiTh kar ā.inda nasloñ ke liye

ġhair-mulkī haiñ yahāñ par ham-vatan maiñ ajnabī

bech dī pahchān apnī ham ne paisoñ ke liye

kar diyā mazdūriyoñ ne būḌhā ham ko is tarah

bin paroñ ke jaise panchhī hoñ uḌānoñ ke liye

kuchh pe kachrā ghar bane haiñ kuchh pe qabza ho gayā

chhoḌ aa.e the zamīñ jo ham makānoñ ke liye

ham ġharibān-e-vatan kī qatl gāheñ ban ga.iiñ

bastiyāñ mash.hūr thiiñ jo ḳhush-jamāloñ ke liye

karte haiñ ham zikr rab kā hoñT apne bhīñch kar

kholte haiñ ab zabāñ dhīmī azānoñ ke liye

ek purkhoñ kā 'zafar' hai dūsrā bachchoñ kā hai

des koī bhī nahīñ hai mere jaisoñ ke liye

aae the pardes mein do chaar barson ke liye

ro rahe hain baiTh kar aainda naslon ke liye

ghair-mulki hain yahan par ham-watan main ajnabi

bech di pahchan apni hum ne paison ke liye

kar diya mazduriyon ne buDha hum ko is tarah

bin paron ke jaise panchhi hon uDanon ke liye

kuchh pe kachra ghar bane hain kuchh pe qabza ho gaya

chhoD aae the zamin jo hum makanon ke liye

hum ghariban-e-watan ki qatl gahen ban gain

bastiyan mashhur thin jo KHush-jamalon ke liye

karte hain hum zikr rab ka honT apne bhinch kar

kholte hain ab zaban dhimi azanon ke liye

ek purkhon ka 'zafar' hai dusra bachchon ka hai

des koi bhi nahin hai mere jaison ke liye