aag ke sath hi pani bhi baham rakhna tha
aag ke saath hī paanī bhī baham rakhnā thā
dil meñ thā ishq to āñkhoñ ko bhī nam rakhnā thā
mujh ko mālūm thā badlī huī rut kā anjām
phir bhī be-tāb umañgoñ kā bharam rakhnā thā
ab kahāñ dil kī talab aql se ho kuchh imdād
ik zarā soch ke pahlā hī qadam rakhnā thā
un se ummīd na rakhtā maiñ vafā kī kaise
dast-e-ulfat meñ mohabbat kā ilm rakhnā thā
shiddat-e-ishq meñ karnā thā izāfa 'rāġhib'
aur betābī-e-jazbāt ko kam rakhnā thā
aag ke sath hi pani bhi baham rakhna tha
dil mein tha ishq to aankhon ko bhi nam rakhna tha
mujh ko malum tha badli hui rut ka anjam
phir bhi be-tab umangon ka bharam rakhna tha
ab kahan dil ki talab aql se ho kuchh imdad
ek zara soch ke pahla hi qadam rakhna tha
un se ummid na rakhta main wafa ki kaise
dast-e-ulfat mein mohabbat ka ilm rakhna tha
shiddat-e-ishq mein karna tha izafa 'raghib'
aur betabi-e-jazbaat ko kam rakhna tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
