aaghashta KHun-e-dil se suKHan the zaban par

āġhashta ḳhūn-e-dil se suḳhan the zabān par

rakkhe na tum ne kaan Tuk is dāstān par

kuchh ho rahegā ishq-o-havas meñ bhī imtiyāz

aaya hai ab mizāj tirā imtihān par

ye dilbarī ke fann-o-fareb itnī umr meñ

jhuñjhlāhaT ab to aave hai us ke siyān par

muhtāj kar ḳhudā na nikāle ki juuñ hilāl

tash.hīr kaun shahr meñ ho pāra-nān par

dekhā na ham ne chhūT meñ yāqūt kī kabhū

thā jo samāñ laboñ ke tire rang-e-pān par

kyā rahravān-e-rāh-e-mohabbat haiñ turfa log

aġhmāz karte jaate haiñ jī ke ziyān par

pahuñchā na us kī daad ko majlis meñ koī raat

maarā bahut patang ne sar sham.a-dān par

ye chashm-e-shauq turfa jagah hai dikhāv kī

Thahro ba-qadr-e-yak-mizha tum is makān par

bazzāz ke ko dekh ke ḳhirqe bahut phaTe

baiThā vo is qimāsh se aa kar dukān par

mauzūñ karo kuchh aur bhī shāyad ki 'mīr' jī

rah jaa.e koī baat kisū kī zabān par

aaghashta KHun-e-dil se suKHan the zaban par

rakkhe na tum ne kan Tuk is dastan par

kuchh ho rahega ishq-o-hawas mein bhi imtiyaz

aaya hai ab mizaj tera imtihan par

ye dilbari ke fann-o-fareb itni umr mein

jhunjhlahaT ab to aawe hai us ke siyan par

muhtaj kar KHuda na nikale ki jun hilal

tashhir kaun shahr mein ho para-nan par

dekha na hum ne chhuT mein yaqut ki kabhu

tha jo saman labon ke tere rang-e-pan par

kya rahrawan-e-rah-e-mohabbat hain turfa log

aghmaz karte jate hain ji ke ziyan par

pahuncha na us ki dad ko majlis mein koi raat

mara bahut patang ne sar shama-dan par

ye chashm-e-shauq turfa jagah hai dikhaw ki

Thahro ba-qadr-e-yak-mizha tum is makan par

bazzaz ke ko dekh ke KHirqe bahut phaTe

baiTha wo is qimash se aa kar dukan par

mauzun karo kuchh aur bhi shayad ki 'mir' ji

rah jae koi baat kisu ki zaban par