aage tum ho to jafaon ka qalaq yaad nahin
aage tum ho to jafāoñ kā qalaq yaad nahīñ
dil vo bachcha hai jise pahlā sabaq yaad nahīñ
kyā batā.eñ ki thī kyā sub.h-e-azal vo sūrat
is kaḌī dhuup meñ aariz kī shafaq yaad nahīñ
jaane kis gaam khuleñ us ke tabassum ke rumūz
aa chuke kitne hī nairañg ufaq yaad nahīñ
umr-e-rafta meñ tirā naam bhī likkhā thā kahīñ
le gayā kaun uḌā kar vo varaq yaad nahīñ
jabr-e-duniyā meñ vo collage kā zamāna bhūlā
the kitāboñ meñ likhe kaun se haq yaad nahīñ
jañg se mas.ale hal karne chale ho logo
tumheñ tārīḳh kā ek ek sabaq yaad nahīñ
aage tum ho to jafaon ka qalaq yaad nahin
dil wo bachcha hai jise pahla sabaq yaad nahin
kya bataen ki thi kya subh-e-azal wo surat
is kaDi dhup mein aariz ki shafaq yaad nahin
jaane kis gam khulen us ke tabassum ke rumuz
aa chuke kitne hi nairang ufaq yaad nahin
umr-e-rafta mein tera nam bhi likkha tha kahin
le gaya kaun uDa kar wo waraq yaad nahin
jabr-e-duniya mein wo collage ka zamana bhula
the kitabon mein likhe kaun se haq yaad nahin
jang se masale hal karne chale ho logo
tumhein tariKH ka ek ek sabaq yaad nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
