Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aah-e-bimar kargar na hui

Yagana Changezi

aah-e-bimar kargar na hui

Yagana Changezi

āh-e-bīmār kārgar na huī

charḳh kāñpā magar sahar na huī

sub.h-e-mahshar huī shab-e-tārīk

sūrat-e-yār jalva-gar na huī

shab-e-ummīd kaT ga.ī lekin

zindagī apnī muḳhtasar na huī

duur se aaj un ko dekh liyā

dil ko taskīñ huī magar na huī

āñkhoñ āñkhoñ meñ le liyā va.ada

kānoñ-kān ek ko ḳhabar na huī

uf chashm-e-itāb uf re jalāl

barq-e-sozāñ huī nazar na huī

fikr-e-anjām-o-hasrat-e-āġhāz

do-ghaḌī chain se basar na huī

khulne vaalā nahīñ dar-e-tauba

fikr-e-anjām vaqt par na huī

aisā ronā bhī koī ronā hai

āstīn āñsuoñ se tar na huī

haT ke bālīñ se log rote haiñ

jaise bīmār ko ḳhabar na huī

luT gayā saarā kārvāñ adam

ek ko ek ḳhabar na huī

nīm-jāñ chhoḌ kar chalā qātil

nigah-e-'yās' kārgar na huī

aah-e-bimar kargar na hui

charKH kanpa magar sahar na hui

subh-e-mahshar hui shab-e-tarik

surat-e-yar jalwa-gar na hui

shab-e-ummid kaT gai lekin

zindagi apni muKHtasar na hui

dur se aaj un ko dekh liya

dil ko taskin hui magar na hui

aankhon aankhon mein le liya wada

kanon-kan ek ko KHabar na hui

uf ri chashm-e-itab uf re jalal

barq-e-sozan hui nazar na hui

fikr-e-anjam-o-hasrat-e-aghaz

do-ghaDi chain se basar na hui

khulne wala nahin dar-e-tauba

fikr-e-anjam waqt par na hui

aisa rona bhi koi rona hai

aastin aansuon se tar na hui

haT ke baalin se log rote hain

jaise bimar ko KHabar na hui

luT gaya sara karwan adam

ek ko ek ki KHabar na hui

nim-jaan chhoD kar chala qatil

nigah-e-'yas' kargar na hui

Source :
  • Book : Kulliyat-e-Yagana (Pg. 296)
  • Author : Meerza Yagana Changezi Lukhnawi
  • Publication : Farib Book Depot (P) Ltd. (2005)
  • Edition : 2005
0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now