aah ko naghma ki naghme ko fughan karna paDe
aah ko naġhma ki naġhme ko fuġhāñ karnā paḌe
dekhiye kyā kuchh barā.e dostāñ karnā paḌe
ahl-e-mahfil ġhaur se sunte raheñ rūdād-e-dil
kyā ḳhabar kis lafz ko kab dāstāñ karnā paḌe
rakh jabīn-e-shauq meñ mahfūz garmī-e-niyāz
kaun jaane tujh ko ik sajda kahāñ karnā paḌe
pūchhiye us se zabān-o-lafz kī majbūriyāñ
jis ko hāl-e-dil nigāhoñ se bayāñ karnā paḌe
kuchh vahī samjhegā 'nāzish' aaj ke māhaul ko
jis ko zindāñ par yaqīn-e-gulsitāñ karnā paḌe
aah ko naghma ki naghme ko fughan karna paDe
dekhiye kya kuchh barae dostan karna paDe
ahl-e-mahfil ghaur se sunte rahen rudad-e-dil
kya KHabar kis lafz ko kab dastan karna paDe
rakh jabin-e-shauq mein mahfuz garmi-e-niyaz
kaun jaane tujh ko ek sajda kahan karna paDe
puchhiye us se zaban-o-lafz ki majburiyan
jis ko haal-e-dil nigahon se bayan karna paDe
kuchh wahi samjhega 'nazish' aaj ke mahaul ko
jis ko zindan par yaqin-e-gulsitan karna paDe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
