آہ و زاری ہی آہ و زاری ہے

آہ و زاری ہی آہ و زاری ہے

دل عجب تجھ میں بے قراری ہے

کس کی آنکھوں سے خون ٹپکا ہے

کس نے رو رو کے شب گزاری ہے

دل کی فطرت نہیں سنور جانا

ہم نے یوں زندگی سنواری ہے

اب تو چاہے ہلاک کر ڈالو

یہ مری زندگی تمہاری ہے

ہنس رہے ہیں سبھی کے غم پہ سبھی

یہی دنیا کی دنیا داری ہے

بھول جا ہے وفائی اپنوں کی

یہی رشتوں کی پاسداری ہے

دل میں کچھ اور ہے زباں پر کچھ

جانے کیسی یہ ہوشیاری ہے

زخم ظاہر نہ کر اسے ساحلؔ

اس کی اب دوسرے سے یاری ہے