aah-o-zari hi aah-o-zari hai
āh-o-zārī hī āh-o-zārī hai
dil 'ajab tujh meñ be-qarārī hai
kis kī āñkhoñ se ḳhuun Tapkā hai
kis ne ro ro ke shab guzārī hai
dil kī fitrat nahīñ sañvar jaanā
ham ne yuuñ zindagī sañvārī hai
ab to chāhe halāk kar Daalo
ye mirī zindagī tumhārī hai
hañs rahe haiñ sabhī ke ġham pe sabhī
yahī duniyā kī duniyā-dārī hai
bhuul jā be-vafā.ī apnoñ kī
yahī rishtoñ kī pāsdārī hai
dil meñ kuchh aur hai zabāñ par kuchh
jaane kaisī ye hoshiyārī hai
zaḳhm zāhir na kar use 'sāhil'
us kī ab dūsre se yaarī hai
aah-o-zari hi aah-o-zari hai
dil 'ajab tujh mein be-qarari hai
kis ki aankhon se KHun Tapka hai
kis ne ro ro ke shab guzari hai
dil ki fitrat nahin sanwar jaana
hum ne yun zindagi sanwari hai
ab to chahe halak kar Dalo
ye meri zindagi tumhaari hai
hans rahe hain sabhi ke gham pe sabhi
yahi duniya ki duniya-dari hai
bhul ja be-wafai apnon ki
yahi rishton ki pasdari hai
dil mein kuchh aur hai zaban par kuchh
jaane kaisi ye hoshiyari hai
zaKHm zahir na kar use 'sahil'
us ki ab dusre se yari hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
