aai aankhon mein to aankhon ko sitara kar gai

aa.ī āñkhoñ meñ to āñkhoñ ko sitāra kar ga.ī

us kī sūrat zulmat-e-shab meñ ujālā kar ga.ī

dāstānoñ kī zabāñ the barg-hā-e-ḳhushk-o-tar

aur ye zālim havā peḌoñ ko nangā kar ga.ī

manzaroñ kī hairatoñ ko dekhne kā shauq meñ

aañkh is darja khulī merī ki andhā kar ga.ī

har taraf is shahr meñ sab ke garebāñ chaak haiñ

us kī ḳhush-ruī 'ajab ab ke tamāshā kar ga.ī

ek nā-mā'lūm ḳhvāhish zehn-o-dil ke darmiyāñ

saañp kī mānind ubhrī jism niilā kar ga.ī

ik kiran ḳhurshīd kī utrī shafaq ke baam se

us ke yāqūtī laboñ ko aa ke sajda kar ga.ī

ik havā aisī bhī aa.ī jo zamīn-e-'ishq par

dil ke sab bikhre hue aurāq yakjā kar ga.ī

phir makān-e-dil ke har goshe meñ hangāma huā

phir makīnoñ ko tumhārī yaad dahlā kar ga.ī

aai aankhon mein to aankhon ko sitara kar gai

us ki surat zulmat-e-shab mein ujala kar gai

dastanon ki zaban the barg-ha-e-KHushk-o-tar

aur ye zalim hawa peDon ko nanga kar gai

manzaron ki hairaton ko dekhne ka shauq mein

aankh is darja khuli meri ki andha kar gai

har taraf is shahr mein sab ke gareban chaak hain

us ki KHush-rui 'ajab ab ke tamasha kar gai

ek na-ma'lum KHwahish zehn-o-dil ke darmiyan

sanp ki manind ubhri jism nila kar gai

ek kiran KHurshid ki utri shafaq ke baam se

us ke yaquti labon ko aa ke sajda kar gai

ek hawa aisi bhi aai jo zamin-e-'ishq par

dil ke sab bikhre hue auraq yakja kar gai

phir makan-e-dil ke har goshe mein hangama hua

phir makinon ko tumhaari yaad dahla kar gai