aai hai uske kuche se ho kar saba kuchh aur
aa.ī hai us ke kūche se ho kar sabā kuchh aur
kyā sar meñ ḳhaak Dāltī hai ab havā kuchh aur
tadbīr dostoñ kī mujhe nafā kyā kare
bīmārī aur kuchh hai kareñ haiñ davā kuchh aur
mastān-e-ishq-o-ahl-e-ḳharābāt meñ hai farq
mai-ḳhvārgī kuchh aur hai ye nashsha thā kuchh aur
kyā nisbat us kī qāmat-e-dilkash se sarv ko
andāz us kā aur kuchh us kī adā kuchh aur
māñjā jo aarsī ne bahut aap ko to kyā
ruḳhsār ke hai sat.h kī us ke safā kuchh aur
us kī ziyāda-goī se dil daaġh ho gayā
shikva kiyā jab us se tab un ne kahā kuchh aur
is taur se tumhāre to marte nahīñ haiñ ham
ab vāste hamāre nikālo jafā kuchh aur
sūrat-parast hote nahīñ ma.anī-āshnā
hai ishq se butoñ ke mirā mudda.ā kuchh aur
marne pe jaan dete haiñ vāraftagān-e-ishq
hai 'mīr' rāh-o-rasm-e-dayār-e-vafā kuchh aur
aai hai us ke kuche se ho kar saba kuchh aur
kya sar mein KHak Dalti hai ab hawa kuchh aur
tadbir doston ki mujhe nafa kya kare
bimari aur kuchh hai karen hain dawa kuchh aur
mastan-e-ishq-o-ahl-e-KHarabaat mein hai farq
mai-KHwargi kuchh aur hai ye nashsha tha kuchh aur
kya nisbat us ki qamat-e-dilkash se sarw ko
andaz us ka aur kuchh us ki ada kuchh aur
manja jo aarsi ne bahut aap ko to kya
ruKHsar ke hai sath ki us ke safa kuchh aur
us ki ziyaada-goi se dil dagh ho gaya
shikwa kiya jab us se tab un ne kaha kuchh aur
is taur se tumhaare to marte nahin hain hum
ab waste hamare nikalo jafa kuchh aur
surat-parast hote nahin mani-ashna
hai ishq se buton ke mera muddaa kuchh aur
marne pe jaan dete hain waraftagan-e-ishq
hai 'mir' rah-o-rasm-e-dayar-e-wafa kuchh aur
- Book : MIRIYAAT - Diwan No- 2, Ghazal No- 0810
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.