aaina ban ke apna tamasha dikhaen hum

ā.īna ban ke apnā tamāshā dikhā.eñ ham

yuuñ sāmne raheñ ki nazar bhī na aa.eñ ham

mumkin hai daur-e-jashn-e-charāġhāñ ho jab yahāñ

vo tīrgī baḌhe ki sahīfe jalā.eñ ham

darpesh hai guzishta rutoñ kā safar hameñ

hairat na kar ki lauT ke vāpas na aa.eñ ham

taufīq-e-sair-e-bāġh agar ho to ab kī shaam

dil kī jagah shajar pe parinde banā.eñ ham

ḳhāmosh ho raho ki sar-e-shahr-e-ārzū

uftād vo paḌī hai ki ab kyā batā.eñ ham

aaina ban ke apna tamasha dikhaen hum

yun samne rahen ki nazar bhi na aaen hum

mumkin hai daur-e-jashn-e-charaghan ho jab yahan

wo tirgi baDhe ki sahife jalaen hum

darpesh hai guzishta ruton ka safar hamein

hairat na kar ki lauT ke wapas na aaen hum

taufiq-e-sair-e-bagh agar ho to ab ki sham

dil ki jagah shajar pe parinde banaen hum

KHamosh ho raho ki sar-e-shahr-e-arzu

uftad wo paDi hai ki ab kya bataen hum