aaina-e-KHayal tha aks-pazir raaz ka

ā.īna-e-ḳhayāl thā aks-pazīr raaz kā

tuur shahīd ho gayā jalva-e-dil-navāz kā

paaya bahut kiyā buland us ne harīm-e-nāz kā

tā nā pahuñch sake ġhubār-e-rah-guzar-e-niyāz kā

ḳhastagī-e-kalīm ne nukta ajab samjhā diyā

varna harīf meñ bhī thā is mizha-e-darāz kā

dair milā thā raah meñ ka.abe ko ham nikal ga.e

jazba-e-shauq meñ dimāġh kis ko ho imtiyāz kā

bandagī aur sāhabī asl meñ donoñ ek haiñ

jis kā ġhulām ayaaz hai vo hai ġhulām ayaaz kā

go tahī-nasīb ne duur rakhā to kyā huā

banda-e-ḳhāna-zād huuñ us ke qad-e-darāz kā

shauq tirā hai maujzan zauq tirā bahāna-jū

khol na deñ bharam kahīñ parad gyaan raaz kā

mastī-e-be-ḳhudī se yaañ aañkh khulī na hashr tak

ya.anī yahī javāb thā nargis-e-nīm-bāz kā

āh-o-fuġhāñ ke saath saath chhā ga.ī ek be-ḳhudī

qat-e-zabāñ zarūr thā sham-e-zabān-darāz kā

ḳhaak meñ mil ga.e vale aañkh uThī na sharm se

ham se huā na haq adā us kī nigāh-e-nāz kā

mutrib-e-ḳhuld kyā sunā.e vahshat-e-ḳhasta kyā sune

mo'taqid-e-qadīm hai zamzama hijāz kā

aaina-e-KHayal tha aks-pazir raaz ka

tur shahid ho gaya jalwa-e-dil-nawaz ka

paya bahut kiya buland us ne harim-e-naz ka

ta na pahunch sake ghubar-e-rah-guzar-e-niyaz ka

KHastagi-e-kalim ne nukta ajab samjha diya

warna harif mein bhi tha is mizha-e-daraaz ka

dair mila tha rah mein kabe ko hum nikal gae

jazba-e-shauq mein dimagh kis ko ho imtiyaz ka

bandagi aur sahabi asl mein donon ek hain

jis ka ghulam ayaz hai wo hai ghulam ayaz ka

go tahi-nasib ne dur rakha to kya hua

banda-e-KHana-zad hun us ke qad-e-daraaz ka

shauq tera hai maujzan zauq tera bahana-ju

khol na den bharam kahin parad gyan raaz ka

masti-e-be-KHudi se yan aankh khuli na hashr tak

yani yahi jawab tha nargis-e-nim-baz ka

aah-o-fughan ke sath sath chha gai ek be-KHudi

qat-e-zaban zarur tha sham-e-zaban-daraaz ka

KHak mein mil gae wale aankh uThi na sharm se

hum se hua na haq ada us ki nigah-e-naz ka

mutrib-e-KHuld kya sunae wahshat-e-KHasta kya sune

mo'taqid-e-qadim hai zamzama hijaz ka