aaina-e-rangin-e-jigar kuchh bhi nahin kya

ā.īna-e-rañgīn-e-jigar kuchh bhī nahīñ kyā

kyā husn hī sab kuchh hai nazar kuchh bhī nahīñ kyā

chashm-e-ġhalat-andāz ke shāyāñ bhī na Thahre

jazb-e-ġham-e-pinhāñ meñ asar kuchh bhī nahīñ kyā

nazreñ haiñ kisī kī ki hai ik ātish-e-sayyāl

yuuñ aag lagāne meñ ḳhatar kuchh bhī nahīñ kyā

adnā sā ishāra bhī hai jis kā mujhe ik hukm

us par mirī aahoñ kā asar kuchh bhī nahīñ kyā

maanā mire jalne se na aañch aa.egī tum par

lekin mire jalne meñ zarar kuchh bhī nahīñ kyā

yuuñ bhī koī duniyā kī nigāhoñ se na gir jaa.e

'mullā' ko burā kahne meñ Dar kuchh bhī nahīñ kyā

aaina-e-rangin-e-jigar kuchh bhi nahin kya

kya husn hi sab kuchh hai nazar kuchh bhi nahin kya

chashm-e-ghalat-andaz ke shayan bhi na Thahre

jazb-e-gham-e-pinhan mein asar kuchh bhi nahin kya

nazren hain kisi ki ki hai ek aatish-e-sayyal

yun aag lagane mein KHatar kuchh bhi nahin kya

adna sa ishaara bhi hai jis ka mujhe ek hukm

us par meri aahon ka asar kuchh bhi nahin kya

mana mere jalne se na aanch aaegi tum par

lekin mere jalne mein zarar kuchh bhi nahin kya

yun bhi koi duniya ki nigahon se na gir jae

'mulla' ko bura kahne mein Dar kuchh bhi nahin kya