aaina ki be-riya tasrih le kar kya karen
ā.īna kī be-riyā tasrīh le kar kyā kareñ
aap apne daur kī talmīh le kar kyā kareñ
bāharī duniyā ko dānoñ meñ phirānā ḳhuub hai
mimbar-o-mehrāb meñ tasbīh le kar kyā kareñ
kū-ba-kū khulte nahīñ nikhrī huī ġhazloñ ke baaġh
imtizāj-e-fursat-e-tafrīh le kar kyā kareñ
is munāfiq daur ne jiinā hameñ sikhlā diyā
ab zamīr-e-ḳhufta kī tauzīh le kar kyā kareñ
ālam-e-hairat meñ goyā haiñ 'jamīluddīn' aap
aap ke ash.ār kī tashrīh le kar kyā kareñ
aaina ki be-riya tasrih le kar kya karen
aap apne daur ki talmih le kar kya karen
bahari duniya ko danon mein phirana KHub hai
mimbar-o-mehrab mein tasbih le kar kya karen
ku-ba-ku khulte nahin nikhri hui ghazlon ke bagh
imtizaj-e-fursat-e-tafrih le kar kya karen
is munafiq daur ne jina hamein sikhla diya
ab zamir-e-KHufta ki tauzih le kar kya karen
aalam-e-hairat mein goya hain 'jamiluddin' aap
aap ke ashaar ki tashrih le kar kya karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
