aaine ka munh bhi hairat se khula rah jaega

aa.ine kā muñh bhī hairat se khulā rah jā.egā

jo bhī dekhegā tujhe vo dekhtā rah jā.egā

ham ne sab kuchh taj diyā terī rifāqat ke liye

tujh se bichhḌe to hamāre paas kyā rah jā.egā

mil sakeñge kis tarah ḳhvāboñ meñ ham jab hijr se

niiñd ho jā.egī ruḳhsat ratjagā rah jā.egā

ham agar terī razā hāsil nahīñ kar pā.eñge

'umr bhar ham se hamārā dil ḳhafā rah jā.egā

jaane vāloñ kī kamī puurī kabhī hotī nahīñ

aane vaale ā.eñge phir bhī ḳhalā rah jā.egā

murta.ish āvāz kī lahreñ raheñgī der tak

saaz chup ho jā.eñge sail-e-sadā rah jā.egā

'hīr' ko 'gulzār' le jā.eñge kheḌe ek din

bāñsurī par tū dhuneñ hī chheḌtā rah jā.egā

aaine ka munh bhi hairat se khula rah jaega

jo bhi dekhega tujhe wo dekhta rah jaega

hum ne sab kuchh taj diya teri rifaqat ke liye

tujh se bichhDe to hamare pas kya rah jaega

mil sakenge kis tarah KHwabon mein hum jab hijr se

nind ho jaegi ruKHsat ratjaga rah jaega

hum agar teri raza hasil nahin kar paenge

'umr bhar hum se hamara dil KHafa rah jaega

jaane walon ki kami puri kabhi hoti nahin

aane wale aaenge phir bhi KHala rah jaega

murtaish aawaz ki lahren rahengi der tak

saz chup ho jaenge sail-e-sada rah jaega

'hir' ko 'gulzar' le jaenge kheDe ek din

bansuri par tu dhunen hi chheDta rah jaega