aaine par jami hui hairat ko dekhna

ā.īne par jamī huī hairat ko dekhnā

kyā baar baar ek hī sūrat ko dekhnā

hāsil ye hai ki ek hī hai sifr kā hisāb

manafī ko dekhnā kabhī musbat ko dekhnā

ai vaqt tū kahīñ bhī kisī kā huā hai kyā

kyā tujh ko dekhnā tirī saa.at ko dekhnā

dānishvarān-e-vaqt hoñ jab mahv-e-guftugū

chup rah ke darmiyāñ mirī vahshat ko dekhnā

pahle to kaam dekhnā merā varā-e-vaqt

phir kaam meñ dabī huī fursat ko dekhnā

aaine par jami hui hairat ko dekhna

kya bar bar ek hi surat ko dekhna

hasil ye hai ki ek hi hai sifr ka hisab

manafi ko dekhna kabhi musbat ko dekhna

ai waqt tu kahin bhi kisi ka hua hai kya

kya tujh ko dekhna teri saat ko dekhna

danishwaran-e-waqt hon jab mahw-e-guftugu

chup rah ke darmiyan meri wahshat ko dekhna

pahle to kaam dekhna mera wara-e-waqt

phir kaam mein dabi hui fursat ko dekhna