aaine tujh pe hi saiqal nahin arzani ka
aa.ine tujh pe hī saiqal nahīñ arzānī kā
marhala sirf bachā hai mirī hairānī kā
tujh se mil aa.e bahut pech bahut taab ke ba.ad
qarz utrā hī nahīñ dil kī pashemānī kā
chāhe jis baab se tū mujh ko rihā.ī de de
mujh pe mushkil nahīñ rasta tirī āsānī kā
bujh ke rahnā kabhī be-sāḳhta jalnā kyā hai
ḳhuub andāz hai jānāñ tirī mehmānī kā
ye kitāboñ ye risāloñ kā safar kuchh bhī nahīñ
isti.āra hī bahut hai tirī peshānī kā
lamp bujhte hī sirhāne kā parī aatī hai
rāt-bhar phir vahī mausam tire zindānī kā
aaine tujh pe hi saiqal nahin arzani ka
marhala sirf bacha hai meri hairani ka
tujh se mil aae bahut pech bahut tab ke baad
qarz utra hi nahin dil ki pashemani ka
chahe jis bab se tu mujh ko rihai de de
mujh pe mushkil nahin rasta teri aasani ka
bujh ke rahna kabhi be-saKHta jalna kya hai
KHub andaz hai jaanan teri mehmani ka
ye kitabon ye risalon ka safar kuchh bhi nahin
istiara hi bahut hai teri peshani ka
lamp bujhte hi sirhane ka pari aati hai
raat-bhar phir wahi mausam tere zindani ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
