aaj bhi hath pe hai tere pasine ki tari

aaj bhī haath pe hai tere pasīne kī tarī

ya.anī hai aaj bhī shāḳh-e-shajar-e-dard harī

pās-e-dāmāñ na sahī pās-e-garebāñ hī sahī

tujh pe lāzim nahīñ ai dast-e-junūñ jāma-darī

maiñ ki duniyā-e-havas meñ bhī sar-afrāz rahā

kaam aa hī ga.ī āḳhir mirī āshufta-sarī

dil kī bastī se kabhī yuuñ na guzartī thī sabā

ab na paiġhāmbarī hai na koī nāma-barī

ham ne bhī chhoḌ diyā maslak-e-arbāb-e-vafā

vo bhī ab bhuul ga.e sheva-e-bedād-garī

raat kā karb sameTe hue apne dil meñ

jhilmilātā hai kahīñ duur charāġh-e-saharī

maiñ ne kis dil se shab-e-ġham kī sahar kī hai 'arīb'

yaad aa.egī zamāne ko mirī be-jigarī

aaj bhi hath pe hai tere pasine ki tari

yani hai aaj bhi shaKH-e-shajar-e-dard hari

pas-e-daman na sahi pas-e-gareban hi sahi

tujh pe lazim nahin ai dast-e-junun jama-dari

main ki duniya-e-hawas mein bhi sar-afraaz raha

kaam aa hi gai aaKHir meri aashufta-sari

dil ki basti se kabhi yun na guzarti thi saba

ab na paighambari hai na koi nama-bari

hum ne bhi chhoD diya maslak-e-arbab-e-wafa

wo bhi ab bhul gae shewa-e-bedad-gari

raat ka karb sameTe hue apne dil mein

jhilmilata hai kahin dur charagh-e-sahari

main ne kis dil se shab-e-gham ki sahar ki hai 'arib'

yaad aaegi zamane ko meri be-jigari