aaj dariche mein wo aana bhul gaya

aaj darīche meñ vo aanā bhuul gayā

maiñ bhī apnā diyā jalānā bhuul gayā

aaj mujhe bhī us kī yaad nahīñ aa.ī

vo bhī mere ḳhvāb meñ aanā bhuul gayā

ḳhat likkhā hai lekin ḳhat ke kone par

vo hoñToñ se phuul banānā bhuul gayā

chalte chalte maiñ us ko ghar le aayā

vo bhī apnā haath chhuḌānā bhuul gayā

ruuTh kar ik bistar pe donoñ baiThe rahe

maiñ us ko vo mujhe manānā bhuul gayā

beleñ dīvāroñ se lipaTnā bhuul ga.iiñ

mausam apne phuul khilānā bhuul gayā

dhuup chaḌhe tak donoñ ghar meñ so.e rahe

maiñ us ko vo mujhe jagānā bhuul gayā

aaj dariche mein wo aana bhul gaya

main bhi apna diya jalana bhul gaya

aaj mujhe bhi us ki yaad nahin aai

wo bhi mere KHwab mein aana bhul gaya

KHat likkha hai lekin KHat ke kone par

wo honTon se phul banana bhul gaya

chalte chalte main us ko ghar le aaya

wo bhi apna hath chhuDana bhul gaya

ruTh kar ek bistar pe donon baiThe rahe

main us ko wo mujhe manana bhul gaya

belen diwaron se lipaTna bhul gain

mausam apne phul khilana bhul gaya

dhup chaDhe tak donon ghar mein soe rahe

main us ko wo mujhe jagana bhul gaya