aaj ji mein hai ki khul kar mai-parasti kijiye

aaj jī meñ hai ki khul kar mai-parastī kījiye

ḳhuub sī mai pīji.e aur der mastī kījiye

zohd-e-ḳhushk āḳhir kahāñ tak māya-e-tar-dāmanī

ġharq laa.e mai bhī chande raḳht-e-hastī kījiye

tañg-tar hai dast-e-hājat se dil abnā-e-dahr

kis ke aage zāhir apnī tañg-dastī kījiye

darpa.e-vīrāni-e-dil hai jo bastā hai yahāñ

kis tarah yā-rab is uujaḌ ghar ko bastī kījiye

lab pe favvāre ke jaarī hai ye misra.a dam-ba-dam

de agar ḳhāliq bulandī mail-e-pastī kījiye

muft tak duuñ huuñ maiñ dil tis par koī letā nahīñ

haañ magar is se bhī kuchh ye jins sastī kījiye

Tuk garebāñ aaj phaT kar dhajjiyeñ ho le to phir

chaak par siine ke 'qā.em' pesh-dastī kījiye

aaj ji mein hai ki khul kar mai-parasti kijiye

KHub si mai pijie aur der masti kijiye

zohd-e-KHushk aaKHir kahan tak maya-e-tar-damani

gharq lae mai bhi chande raKHt-e-hasti kijiye

tang-tar hai dast-e-hajat se dil abna-e-dahr

kis ke aage zahir apni tang-dasti kijiye

darpae-virani-e-dil hai jo basta hai yahan

kis tarah ya-rab is ujaD ghar ko basti kijiye

lab pe fawware ke jari hai ye misra dam-ba-dam

de agar KHaliq bulandi mail-e-pasti kijiye

muft tak dun hun main dil tis par koi leta nahin

han magar is se bhi kuchh ye jins sasti kijiye

Tuk gareban aaj phaT kar dhajjiyen ho le to phir

chaak par sine ke 'qaem' pesh-dasti kijiye