aaj ki raat yaad aaegi

aaj kī raat yaad aa.egī

ek ik baat yaad aa.egī

chāñdnī meñ baham niyāz-o-nāz

ye mulāqāt yaad aa.egī

chand lamhoñ kī sohbat-e-rangīñ

aksar auqāt yaad aa.egī

ishq ko apnī sādgī ke saath

husn kī ghaat yaad aa.egī

dil kī har buuñd ban ga.ī chhālā

ab ke barsāt yaad aa.egī

un se zikr-e-vafā jo chal niklā

baat par baat yaad aa.egī

sub.h-e-rafta meñ bhī 'adīb' hameñ

shām-e-naġhmāt yaad aa.egī

aaj ki raat yaad aaegi

ek ek baat yaad aaegi

chandni mein baham niyaz-o-naz

ye mulaqat yaad aaegi

chand lamhon ki sohbat-e-rangin

aksar auqat yaad aaegi

ishq ko apni sadgi ke sath

husn ki ghat yaad aaegi

dil ki har bund ban gai chhaala

ab ke barsat yaad aaegi

un se zikr-e-wafa jo chal nikla

baat par baat yaad aaegi

subh-e-rafta mein bhi 'adib' hamein

sham-e-naghmat yaad aaegi