aaj ki tariKH mein insan mukammal kaun hai
aaj kī tārīḳh meñ insāñ mukammal kaun hai
ye pata kaise chale ki kis kā maqtal kaun hai
paas hī rahtā vo har dam sehr ho yā ho nashā
ḳhushbū jaisā hai havāoñ meñ musalsal kaun hai
sādgī kī apsarā vo yā hai koī sāhirī
hai ġhazal yā hai vo sandal shoḳh chanchal kaun hai
us chhalakte se samundar meñ nasha hai aaj tak
jhuum kar barsā hai pāgal uf ye bādal kaun hai
bhaa.ī bhaa.ī laḌ rahe haiñ is siyāsī khel meñ
saaf likkhā hai ye qurāñ meñ ki afzal kaun hai
be-ḳhabar haiñ panchhī nadiyāñ sarhadoñ kī rok se
be-sabab hī mulk meñ kartā ye dañggal kaun hai
jugnuoñ ko jalte dekhā to samajh aayā mujhe
kaisā sannāTā hai jañgal kartā mañgal kaun hai
aaj ki tariKH mein insan mukammal kaun hai
ye pata kaise chale ki kis ka maqtal kaun hai
pas hi rahta wo har dam sehr ho ya ho nasha
KHushbu jaisa hai hawaon mein musalsal kaun hai
sadgi ki apsara wo ya hai koi sahiri
hai ghazal ya hai wo sandal shoKH chanchal kaun hai
us chhalakte se samundar mein nasha hai aaj tak
jhum kar barsa hai pagal uf ye baadal kaun hai
bhai bhai laD rahe hain is siyasi khel mein
saf likkha hai ye quran mein ki afzal kaun hai
be-KHabar hain panchhi nadiyan sarhadon ki rok se
be-sabab hi mulk mein karta ye danggal kaun hai
jugnuon ko jalte dekha to samajh aaya mujhe
kaisa sannaTa hai jangal karta mangal kaun hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
