aaj mujhe kuchh log mile hain pagal se
aaj mujhe kuchh log mile haiñ pāgal se
shahr meñ vahshī dar aa.e kyā jañgal se
saare masā.il lā-yanhal se lagte haiñ
niklūñ kaise soch kī gahrī daldal se
barf-numā sī tāroñ kī chanchal kirneñ
chhan kar nikleñ raat ke kaale āñchal se
zehn se yuuñ hai fikr-o-nazar kā ab rishta
panghaT ko ik rabt ho jaise chhāgal se
yaad kī ḳhushbū dil ke nagar meñ phailegī
ġham ke saa.e lagte haiñ ab shītal se
jism-o-jāñ par sannāToñ kā pahra ho
baaz aayā maiñ ab duniyā kī halchal se
tanhā.ī kā zahr bhalā kyā phailegā
chhā.e ho tum ehsās pe mere bādal se
aaj mujhe kuchh log mile hain pagal se
shahr mein wahshi dar aae kya jangal se
sare masail la-yanhal se lagte hain
niklun kaise soch ki gahri daldal se
barf-numa si taron ki chanchal kirnen
chhan kar niklen raat ke kale aanchal se
zehn se yun hai fikr-o-nazar ka ab rishta
panghaT ko ek rabt ho jaise chhagal se
yaad ki KHushbu dil ke nagar mein phailegi
gham ke sae lagte hain ab shital se
jism-o-jaan par sannaTon ka pahra ho
baz aaya main ab duniya ki halchal se
tanhai ka zahr bhala kya phailega
chhae ho tum ehsas pe mere baadal se
- Book : Roshni Ke Phool (Pg. 80)
- Author : Anwar Minai
- Publication : Maktaba Jamia Ltd. Urdu Bazar Jamia Nagar, Delhi (1986)
- Edition : 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
