aaj qismat ka bulandi pe sitara kar de

aaj qismat kā bulandī pe sitārā kar de

jis ko ham chāheñ usī ko tū hamārā kar de

jo gavārā bhī na ho us ko gavārā kar de

us kā har zulm-o-sitam jaan se pyārā kar de

chashm-e-rahmat se agar tū jo ishārā kar de

ḳhaak ke zarre ko pur-nūr sitārā kar de

muskurā kar ai mirī jaañ tū uThā le patvār

mauj-e-dariyā ko mire haq meñ kinārā kar de

tīliyāñ kunj-e-qafas kī jo jalā detī haiñ

merī aahoñ ko ilāhī vo sharāra kar de

jis ne āfāq meñ mumtāz kiyā thā mujh ko

mere mālik vo karam mujh pe dobārā kar de

zulm kī bastī ko 'shātir' jo bahā le jaa.e

apnī hastī ko vo tūfān kā dhārā kar de

aaj qismat ka bulandi pe sitara kar de

jis ko hum chahen usi ko tu hamara kar de

jo gawara bhi na ho us ko gawara kar de

us ka har zulm-o-sitam jaan se pyara kar de

chashm-e-rahmat se agar tu jo ishaara kar de

KHak ke zarre ko pur-nur sitara kar de

muskura kar ai meri jaan tu uTha le patwar

mauj-e-dariya ko mere haq mein kinara kar de

tiliyan kunj-e-qafas ki jo jala deti hain

meri aahon ko ilahi wo sharara kar de

jis ne aafaq mein mumtaz kiya tha mujh ko

mere malik wo karam mujh pe dobara kar de

zulm ki basti ko 'shatir' jo baha le jae

apni hasti ko wo tufan ka dhaara kar de