aaj rang bhi lai dil ki bazm-arai

aaj rang bhī laa.ī dil kī bazm-ārā.ī

chhuT gayā hai hāthoñ se dāman-e-shakebā.ī

dīda-e-mohabbat kī ashk-reziyāñ kyā thiiñ

ḳhushk ho ga.ī kyūñkar do-jahāñ kī pahnā.ī

ye bhī ik bahāna thā tum ko āzmāne kā

varna jiine vāloñ ko maut bhī na raas aa.ī

vahm se guzarnā thā e.atibār karnā thā

Thokareñ na khā.egī merī jāda-paimā.ī

mahv kar diyā kis ne shor-e-mai-kada saarā

kis ne hosh khoyā hai kis ko terī yaad aa.ī

miT ga.ī hai be-kaifī bāl-o-par kī iimā se

yā nigāh kī hasrat qismateñ badal laa.ī

surma ban ga.e 'anjum' dāġh-hā-e-peshānī

kaun chhīn saktā hai sang-e-dar kī bīnā.ī

aaj rang bhi lai dil ki bazm-arai

chhuT gaya hai hathon se daman-e-shakebai

dida-e-mohabbat ki ashk-reziyan kya thin

KHushk ho gai kyunkar do-jahan ki pahnai

ye bhi ek bahana tha tum ko aazmane ka

warna jine walon ko maut bhi na ras aai

wahm se guzarna tha eatibar karna tha

Thokaren na khaegi meri jada-paimai

mahw kar diya kis ne shor-e-mai-kada sara

kis ne hosh khoya hai kis ko teri yaad aai

miT gai hai be-kaifi baal-o-par ki ima se

ya nigah ki hasrat qismaten badal lai

surma ban gae 'anjum' dagh-ha-e-peshani

kaun chhin sakta hai sang-e-dar ki binai