aaj shab-e-mearaj hogi is liye tazin hai

aaj shab-e-me.arāj hogī is liye taz.īn hai

vo qadam uTThe haiñ jin ko āsmāñ qālīn hai

maañ ne paḌh kar phūñk dī thī mujh pe bachpan meñ kabhī

mere dil par naqsh ab tak sūra-e-yāsīn hai

ashk ke bose kī lazzat kyā batā.ūñ maiñ tumheñ

kyā batā.ūñ maiñ tumheñ ye kis qadar namkīn hai

us ko darveshī samajhne vāloñ par hairān huuñ

haath meñ kaasa uThānā ishq meñ tauhīn hai

ilm kī ḳhvāhish tumheñ manzil talak le jā.egī

jaane vaale to bano agle qadam par chiin he

aur bhī yāroñ se kahnā vaqt pe sab aa mileñ

mere ghar ke sahn meñ ik ḳhvāb kī tadfīn hai

sochnā is baab meñ bekār jā.egā tirā

ye mohabbat hai miyāñ us kā alag aa.iin hai

us ke lab par ik duā hai sirf merī maut kī

mere lab par kuchh nahīñ kuchh bhī nahīñ āmīn hai

ab mohabbat kī taraf maiñ lauTne vaalā nahīñ

dil ye tū ne Thiik samjhā aisā hī kuchh scene hai

uḌ rahā hai 'zeb' kī tahrīr ke āhañg meñ

ye parinda hazrat-e-iqbāl kā shāhīn hai

aaj shab-e-mearaj hogi is liye tazin hai

wo qadam uTThe hain jin ko aasman qalin hai

man ne paDh kar phunk di thi mujh pe bachpan mein kabhi

mere dil par naqsh ab tak sura-e-yasin hai

ashk ke bose ki lazzat kya bataun main tumhein

kya bataun main tumhein ye kis qadar namkin hai

us ko darweshi samajhne walon par hairan hun

hath mein kasa uThana ishq mein tauhin hai

ilm ki KHwahish tumhein manzil talak le jaegi

jaane wale to bano agle qadam par chin he

aur bhi yaron se kahna waqt pe sab aa milen

mere ghar ke sahn mein ek KHwab ki tadfin hai

sochna is bab mein bekar jaega tera

ye mohabbat hai miyan us ka alag aain hai

us ke lab par ek dua hai sirf meri maut ki

mere lab par kuchh nahin kuchh bhi nahin aamin hai

ab mohabbat ki taraf main lauTne wala nahin

dil ye tu ne Thik samjha aisa hi kuchh scene hai

uD raha hai 'zeb' ki tahrir ke aahang mein

ye parinda hazrat-e-iqbaal ka shahin hai